WAZIRI WA ELIMU AZINDUA KAMATI YA USHAURI WA VIWANDA MUHAS

Makamu Mkuu wa Chuo, Prof. Andrea Pembe akitoa salamu za ukaribisho kwenye sherehe za uzinduzi wa Kamati ya Ushauri wa Viwanda, MUHAS

Mwenyekiti wa Baraza la Chuo Kikuu cha Afya na Sayansi Shirikishi Muhimbili, Dkt Harrison Mwakyembe akimkaribisha Mgeni Rasmi kuja kutoa hotuba yake na kuzindua Kamati ya Ushauri wa Viwanda, MUHAS

Naibu Makamu Mkuu wa Chuo Utawala, Fedha na Mipango ambaye pia ni Mratibu wa mradi wa HEET MUHAS, Prof. Erasto Mbugi akitoa salamu za utambulisho kwenye sherehe za uzinduzi wa Kamati ya Ushauri wa Viwanda, MUHAS

Kaimu Mkurugenzi wa Elimu ya Juu, Dkt Kennedy Hosea, akitoa maelezo mafupi ya mradi wa HEET kwenye sherehe za uzinduzi wa Kamati ya Ushauri wa Viwanda, MUHAS

Mgeni Rasmi, Waziri wa Elimu, Sayansi na Teknolojia, aliyewakilishwa Naibu Katibu Mkuu, Prof. James Mdoe, akitoa hotuba ya kuzindua rasmi Kamati ya Ushauri ya Viwanda ya MUHAS

Washiriki wa sherehe za kuzindua Kamati ya Ushauri wa Viwanda ya MUHAS na Mafunzo ya Mapititio ya Mitaala wakifuatilia matukio mbalimbali kwenye hafla hiyo

Wajumbe wa Kamati ya Ushauri wa Viwanda ya MUHAS kwenye picha ya pamoja na Mgeni Rasmi na meza kuu mara baada ya Kamati hiyo kuzinduliwa

22 Mei 2023

Waziri wa Elimu Sayansi na Teknolojia, Prof. Adolf Mkenda, akiwakilishwa na Prof. James Mdoe, Naibu Katibu Mkuu, leo amezindua rasmi Kamati ya Ushauri wa Viwanda (Industrial Advisory Board) ya Chuo Kikuu cha Afya na Sayansi Shirikishi Muhimbili (MUHAS) chini ya mradi wa Elimu ya Juu kwa Mageuzi ya Kiuchumi (Higher Education for Economic Transformation Project – HEET).

Akizungumza katika uzinduzi huu, Prof. Mdoe amemshukuru Rais wa Jamhuri ya Muungano wa Tanzania kwa juhudi kubwa za kukuza sekta ya elimu ya juu nchini kwa kuanzisha na kutekeleza mradi wa HEET. Akifafanua zaidi, Prof. Mdoe amesema kupitia utekelezaji wa mradi huu, serikali itaboresha mitaala, rasilimali-watu na mazingira ya kufundishia na kujifunza katika vyuo vikuu na taasisi mbalimbali za elimu ya juu 23.

“Kwa hapa MUHAS mradi utakarabati na kujenga Kampasi 2; Mloganzila na Kigoma, kuboresha miundombinu ya kujifunza na kufundishia, kuhuisha au kuandaa mitaala, kusomehs watumishi, kuweka miundombinu ya kisasa ya TEHAMA pamoja na kuweka mifumo ya kidijitali kwa ajili ya kufundishia na utawala pia” aliongeza.

Akiielezea Kamati hii kabla ya uzinduzi, Makamu Mkuu wa Chuo, Prof. Andrea Pembe alisema kuwa kamati ina wajumbe wanaowakilisha waajiri, binafsi na umma, taasisi za utafiti, makampuni ya dawa, wahitimu wajasiriamali, wanataaluma wenye sifa maalum na wawakilishi wa wanafunzi.

Uzinduzi wa Kamati ya Ushauri ya Viwanda ya MUHAS ulienda sambamba na kufungua mafunzo ya mapitio ya mitaala kwa wanataaluma wa MUHAS.

Akifafanua zaidi Prof. Pembe amesema ilionekana kuwa inafaa Kamati hii ya Ushauri wa Viwanda izinduliwe wakati MUHAS inaendesha mafunzo ya mapitio ya Mtaala kwa wanataaluma. “Hii inaashiria dhamira halisi ambayo MUHAS inayo katika kuhakikisha kwamba mitizamo, maoni, na mahitaji ya soko yanazingatiwa wakati wa mapitio ya mitaala yetu”, aliongeza.

Uzinduzi huu pia uliudhuriwa na Mwenyekiti wa Baraza la Chuo Kikuu cha Afya na Sayansi Shirikishi Muhimbili, Dkt. Harrison Mwakyembe, Kaimu Mkurugezi wa Elimu ya Juu, Dkt Kenneth Hosea, Mkurugenzi wa Udhibiti Ubora, TCU, Dkt Telemu Kasile na waratibu wa kitengo cha kitaifa cha utekelezaji wa mradi wa HEET